Në përkujtim të 15 vjetorit : Martirët e Bresalcit

Vitet ikin , stinët ndërrohen – Plagët tona nuk shërohen ! Dhembjet tona prekin n’ palcë – Kur kujtojmë krimet n’ Bresalc ! Më 10 Prill , Nëntëdhjetë e Nëntë –

Në Bresalc, ra hije e rëndë !
Vinë çetnikë, paramilitarë –
Për të vrarë pa faj shqiptarë !
Te Llazina, ku këndojnë bylbylat –
Na është vrarë Hasan Sefë Syla !
Ndër shumë burra të këtij veni –
Ra Bahtir Ejup Hyseni !

N’ Zabel t’ Baqukut , rrjedh gjak si uji –
Ra Feride Zejnullah Muji !
Para syve t’ fëmijëve t’ vet –
Me Gulinov i shuan jetë !

Si n’shumë vende në mes nesh –
Nuk shpëtuan lehtë as n’ Ponesh !
Mu n’ ke Quka e Poneshit –
Vinë rafalët si kokrra t’ breshrit !
Kurrë rafalët nuk u ndalen –
Der’ sa e vranë dhe Servet Shalën !
Kriminelët i plastë e dala –
Aty u vra dhe Faik Shala !

Një fëmijë n’ djep po rrinte shtritë –
Me tre plumba e kanë goditë !
Nga këto plagë, një fat i rrallë –
Ai fëmijë shpëtoi i gjallë !

Veç tre muajsh, ai fëmijë shqiptari –
E kish emrin Albert Miftari !
Fat e jetë urojmë pa ndalë –
Rrofsh Albert – hero i gjallë !

Demir Krasniqi
Gjilan, më 14.04.2014.