Në njëmbëdhjetëvjetorin e rënies përkujtohet oficeri policor Lazim Rexhepi

Gjilan – Padyshim sakrifica dhe vendosmëria e Lazimit do të jenë fanar drite për të gjithë neve kolegët e tij se si duhet të jemi shembull i mbrojtjes së vlerave dhe njerëzores ka thënë Elmina Mahmuti.

Komanda e Policisë Rajonale të Gjilanit bashkë me Udhëheqësit dhe zyrtarët e stacionit Policor të Kamenicës dhe familjarët e Policit të rënë në detyrë Lazim Rexhepi sot rreth orës 11:00 bënë homazhe para përmendores së tij.

Elmina Mahmuti komandante rajonale e policisë para të pranishmëve dhe familjarëve përkujtoj me pietet duke çmuar lartë veprën dhe punën e Lazimit i cili saktë njëmbëdhjetë vite më parë ndërroji jetë duke mbrojt pasurin e qytetarëve nga kriminel tinëzar.

“Padyshim sakrifica dhe vendosmëria e Lazimit do të jenë fanar drite për të gjithë neve kolegët e tij se si duhet të jemi shembull i mbrojtjes së vlerave dhe njerëzores.” ka thënë Elmina Mahmuti.

Respekti dhe nderimi për veprën e tij me kalimin e viteve veç sa shtohet dhe na bën të ndjehemi krenar, për jetë ai do të jetë simbol nderi për familjen dhe të gjithë neve ka përkujtuar toger Ismet Hashani zëdhënës i policisë rajonale./rajonipress/