Në Mogillë USAID-i hap Qendrën për aftësim profesional

Kllokot – Nxënësit e Shkollës fillore”Gjon Serreçi” të fshatit Mogillë të komunës së Kllokotit, në kuadër të shkollës së tyre kanë përfituar një Qendër për aftësim profesional, projekt ky i financuar nga USAID-i amerikan . Në ceremoninë e zbulimit të pllakës, ishin prezent ushtruesi i detyrës së misionit të USAID/ Kosova z.Christofer Edvards , kryetari i komunës së Kllokotit Sasha Mirkoviq si dhe udhëheqë komunal e qytetarë të këtij lokaliteti.

“Nxënësit e shkollës “Gjon Serreci’ të Mogillës si dhe komuna jonë, mund të krenohen se janë në mesin e 20 komunave të Kosovës që kanë përfituar këtë Qendër për aftësim dhe ngritje profesionale në kuadër të së cilës është e pajisur edhe “Klasa e shekullit 21” të cilin projekt e ka financuar populli amerikan përmes USAID-it –programi për arsimin fillor” ka thënë kryetari i komunës Sasha Mirkoviq.

Kurse Chrisofer Edward u.d. udhëheqësit të misionit USAID/Kosova , theksoi se dobi nga kjo qendër do të kenë si nxënësit ashtu edhe arsimtarët si dhe vetëqeverisja lokale e Kllokotit.

Kurse Fatmir Hetemi, drejtor i shkollës së Mogillës, është shprehur i kënaqur me shërbimet që do të kryhen në këtë qendër duke konstatuar se të njëjtën bashkërisht do të shfrytëzojnë nxënësit shqiptar dhe serb por edhe tërë komuna e Kllokotit.

Kurse Moma Stojkoviq, drejtor i Arsimit i komunës, ka thënë se me hapjen e kësaj qendre sigurisht se edhe do të përmirësohet kualiteti i edukimit në shkollat e komunës së Kllokotit.

Ndryshe, Programi i USAID-it për arsimim fillore për këtë qendër ka siguruar inventarin dhe komplet pajisjet kompjuterike, kino projektorët dhe si dhe pajisjet tjera kurse “Klasa e shekullit të 21” është pajisur me teknologji moderne ,dhe pajisje tjetër, siç janë elektronika e kompletuar, robotika, etj, ka njoftuar Aziz Zuka, zyrtar për informim i komunës së Kllokotit./rajonipress/