Në ministrinë e Kuçit, punësohet edhe vajza e prokurores Pula

Konkurruan 150 kandidatë për një pozitë në Ministrinë e Drejtësisë. Por ajo që sfidoi dhe fitoi ndaj gjithë këtyre konkurrentëve për pozitën si zyrtare për të drejtat e njeriut në këtë dikaster, është një vajzë që ka kryer Fakultetin Ekonomik. Ndonëse kjo pozitë s’ka të bëjë shumë me ekonominë. Kjo është Fjolla Pula, vajza e prokurores së shtetit, Laura Pula.

Disa nga konkurrentët që u sfiduan, thonë se janë ndier të pakënaqur me këtë përzgjedhje që ka bërë komisioni vlerësues, kur para tyre u pranua vajza e prokurores, edhe pse shumë kishin të kryer Fakultet Juridik, kusht i rëndësishëm për të fituar vendin e punës. Por pretendime të tilla i mohojnë zyrtarët e Ministrisë së Drejtësisë.

Njëri prej kandidatëve të diskualifikuar, që preferoi të mbetet anonim për publik, por gazeta e ka identitetin e tij, thotë se konkurroi për këtë pozitë i bindur se do të pranohej.

Ai tregon se ka të përfunduar tri fakultete dhe një master në të Drejtën Ndërkombëtare. Në bisedë për Tribunën, ky kandidat i diskualifikuar pretendon se në këtë rast janë eliminuar njerëzit e kualifikuar…(Tribuna).