Në Kamenicë pastrohen disa deponi ilegale
RajoniPress
11:34, 24 Shtator, 2024
| 9 muaj më parë
Kamenicë – Në Komunën e Kamenicës është mbajtur aksioni për pastrimin e ambientit, ku është bërë pastrimi i qytetit në tërësi si dhe janë pastruar disa deponi ilegale në Topanicë, Berivojcë, dhe në qytet.
Në aksion kanë marrë pjesë edhe NPL “Dardana” Sh.A. Aksioni është mbajtur me rastin e Ditës Botërore të Pastrimit, i cili ishte i paraparë të mbahet me 20 shtator, por për shkak të kushteve atmosferike është mbajtur sot më 23 shtator.
Thasët, dorezat dhe maskat për pjesëmarrësit janë siguruar nga Drejtoria e Shërbimeve Publike, Ambientit dhe Inspektoratit.
Edhe ditëve në vijim do të vazhdohet me pastrimin e deponive ilegale dhe pastrimin e ambientit në përgjithësi./rajonipress/
