Në Kamenicë nderohen dëshmorët në përvjetorin e Pavarësisë së Kosovës

Kamenicë – Kryetari i Komunës së Kamenicës, Kadri Rahimaj, së bashku me nënkryetaren Arta Bajralija, kryesuesen e Kuvendit Komunal Arbnore Beqiraj-Fera, përfaqësuesin e OVL-UÇK-së, dega në Kamenicë, Milaim Limoni, asamblistë dhe zyrtarë komunalë, kanë bërë homazhe te Varrezat e Dëshmorëve sot, me rastin e 18 vjetorit të Pavarësisë së Republikës së Kosovës.

Rahimaj tha se sakrifica e dëshmorëve për lirinë e vendit nuk do të harrohet kurrë, por do të jetë shtysë për të punuar drejt një vendi më të zhvilluar për brezat e rinj./rajonipress/