Në Kamenicë ka rënie të krimeve penale, debatohet për parandalimin e dhunës ekstreme

Kamenicë – Komandanti i Stacionit të Policisë së Kamenicës, Nazif Hajrizi, foli për sigurinë në Komunën e Kamenicës, duke e konsideruar të qetë dhe me rënie të krimeve penale.

Një debat i kësaj natyre mbajt në Kamenicë më temën “Përfshirja e Komunitetit në Parandalimin e Dhunës Ekstreme”, organizuar nga QKSS (Qendra Kosovare për Studime Strategjike). Moderator i këtij organizimi ishte, Skënder Perteshi, hulumtues i kësaj qendre. Penalistë, ishin: z. Begzad Sinani, Kryetar i Komunës së Kamenicë, z. Bujar Fera, nga Bashkësia Islame e Kamenicës dhe Nazif Hajrizi, Komandant i Stacionit Policor në Kamenicë.

Në Ketë takim morën pjesë, Kryetarët e Këshillave Lokale, anëtarët e Këshillave për Siguri në Bashkësi, shoqëria civile, mediat lokale dhe përfaqësues të KFOR-it amerikan dhe përfaqësuesit e FSK-së.

Moderatori Petreshi, duke i përmendur të gjitha llojet e ekstremizmave të cilat hasen në realitetin shoqëror të Kosovës, e në veçanti ekstremizmit te dhunshëm i cili mundohet që t’i paraqitet veprimet e veta në emër të fesë(islame).

Ai ofroi shumë fakte nga hulumtimet e bëra nga e qendrës hulumtuese(QKSS). Ai poashtu, tha se Kosova nuk është imune nga kjo dukuri e cila ka një shtrirje të gjerë. Njëherazi, sqaroi analizën e faktorëve të ndryshëm për që kanë ndikuar që disa të rinj tanë të jenë pjesëmarrës në luftëra të huaja.

Interesante ishte struktura heterogjene e pjesëmarrësve, si dhe biografitë e tyre. Me sensibilizimin e opinionit dhe me marrjen e masave nga shteti numri i pjesëmarrësve kishte shënuar rënie. Pjesëmarrja e kosovarëve në luftërat e Lindjes së Afërt, ishte 314 veta. Kryetari Sinani në fjalën e tij, e përshkroi situatën në komunën tonë të kënaqshme.

“Ne kemi vënë një standard të bashkëpunimit me shumë akterë të sigurisë: KFOR-in, Policinë e Kosovës, Ministrinë e Punëve të Brendshme, FSK-në, Këshillat e Sigurisë në Bashkësi, pastaj bashkësitë fetare që veprojnë në Komunën e Kamenicës, kryetarët e Këshillave Lokale, OSBE -në, kemi bashkëpunuar edhe organizata joqeveritare që kanë prekur çështjen e sigurisë”.

Në emër të bashkësisë Islame foli, Bujar Fera, për përpjekjet e kryesisë së re të Bashkësisë Islame të Kamenicës, për aktivitetet e tyre, programet e parapara, bashkëpunimin me bashkësitë tjera fetare etj.

Njëherit kërkoi që sa më parë të zgjidhet statusi i bashkësive fetare. Komandanti i Stacionit të Policisë së Kamenicës, z.Nazif Hajrizi, foli për sigurinë në Komunën e Kamenicës, duke e konsideruar të qetë dhe me rënie të krimeve penale.

Ai foli për bashkëpunimin me komunën, Këshillat Lokale, si dhe për zbatimin strategjisë për luftimin e ekstremizmit, në të cilën është paraparë secili akter ta kryej pjesën e vet të përgjegjësive./rajonipress/