Në Kamenicë arrestohen dy serb për sulm seksual ndaj një serbeje

Gjilan – Në fshatin Kolloleq të Kamenicës raportohet se më 27 mars janë arrestuar dy të dyshuar meshkuj serb nën dyshimin se të njëjtit kanë kryer veprat sulm seksual dhe kanosje ndaj viktimës femër serbe. Me urdhër të Prokurorit të dyshuarit janë dërguar në Qendrën e ndalimit njoftoj Policia e Kosovës.

Ndërkaq në Gjilan kanë ndodhur dy raste të ndara. Raportohet se në lagjen “Arbëria” në një lokal për lojëra (bilardo) janë arrestuar gjashtë persona të dyshuar meshkuj shqiptar nën dyshimin se të njëjtit posedojnë substancë të dyshuara narkotike.

Gjatë kontrollimit tek të dyshuarit janë gjetur dy qese me peshë 130.5 gr substancë e dyshuar narkotike e llojit marihuanë, pesë thika të madhësive të ndryshme dhe një revole shkrepës. Me urdhër të Prokurorit pesë të dyshuar lirohen, ndërsa një i dyshuar është dërguar në Qendrën e ndalimit.

Kurse në rrugën “Lidhja e Prizrenit” në Gjilan njësitë policore kanë arrit të arrestojnë të dyshuarin mashkull shqiptar pasi që i njëjti fillimisht nuk i ka përgjigjur urdhrit të policit për të ndalur veturën, dhe ka vazhduar me shpejtësi të madhe ta ngas veturën ku ka goditur dhe thyer disa pengesa të cilat ishin vendosur për shkak të punimeve në rrugë.

Pas intervistimit të dyshuarit është kuptuar që veturës i kishte kaluar regjistrimi dhe sigurimi. Me urdhër të prokurorit i dyshuari është dërguar në Qendrën e ndalimit./rajonipress/