Në Kalanë e Shkupit do të ndëtohen tre muze

Në Maqedoni, zyrtarë të Bashkimit Demokratik për Integrim kanë bërë të ditur se në kalanë e Shkupit do të ndërtohen tre muze që do të paraqesin kulturat dardane, bizantine dhe osmane.

Kalaja e Shkupit vazhdon të jetë e mbyllur për vizitorët, që nga incidenti i fillimit të vitit të kaluar midis grupeve të shqiptarëve dhe maqedonasve lidhur me ndërtimin e një kishe ortodokse brenda saj.

Historianë dhe shoqata shqiptare vlerësojnë se kisha po ndërtohej mbi themelet e një shtëpie të lashtë ilire dhe se pushteti po përpiqej t’i japë një pamje sllave objekteve të lashta shqiptare.