Në Gjilan kapen 10 kg mariuhanë – arrestohen tre veta

Gjilan – Rrugës për në hyrje të Gjilanit policia antidrogë ka arritur me sukses të kryejë një operacion hetimor duke prangosur tre veta nga Hajvalia të cilët në veturë po bartnin hiq më pak se 10 kg drogë tha për rajonipress Afrim Shefkiu prokuror në Prokurorinë Themelore të Gjilanit.

Njësiti policor antidrogë në Gjilan të mërkurën rreth orës 22.00 të mbrëmjes në hyrje të Gjilanit ka arritur të prangos tre persona nga Hajvalia të cilët po bartnin hiq më pak se 10 kg mariuhanë në veturën e tyre.

Prokurori Afrim Shefkiu tha për rajonipress se tre të dyshuarit tashmë janë arrestuar dhe pos 10 kg drogë tek ky grup është gjetur edhe një revole. Njësiti antidrogë ka kryer një operacion jashtëzakonisht të suksesshëm dhe jemi ende në fazën e hetimeve tha Shefkiu.

Shefkiu tha se fatkeqësisht rajoni i Gjilanit po shfrytëzohet si vend transit për të transportuar drogën e të gjitha llojeve, por si Prokuroria ashtu edhe njësitet e policisë janë të përkushtuara që ta stopojnë këtë dukuri kriminale tha Shefkiu./rajonipress/