Në Gjilan arrestime për kanosje , në Viti arrestohet një femër për vjedhje

Gjilan – Në rrugën “Mulla Idrizi”në Gjilan është arrestuar i dyshuari mashkull shqiptar pasiqë i njëjti pas një mosmarrëveshje rreth një borxhi ka drejtuar armën në drejtim të viktimës mashkull shqiptar njoftoj policia e Kosovës, raporton rajonipress.

Sipas policisë në vendin e ngjarjes nuk është gjetur asgjë e dyshimtë. Me urdhër të prokurorit i dyshuari pas intervistimit lirohet në procedurë të rregullt.

Kurse në rastin e dytë kemi të bëjmë me vjedhje të rëndë që ka ndodhur në fshatin Smirë të Vitisë. Policia tha se ankuesi mashkull shqiptar ka raportuar se nga persona të dyshuar të panjohur në lokalin e tij i janë vjedhur të holla në vlerë 200 €.

Më pas njësitet policore kanë arritur ta identifikojnë dhe ta arrestojnë të dyshuarën femër shqiptare e cila pas intervistimit me urdhër të prokurorit është liruar në procedurë të rregullt./rajonipress/