Në Gjilan arrestime për armë e substanca narkotike

Gjilan – Në dy raste të ndara në Gjilan, policia e Kosovës ka arrestuar dy të dyshuar njëri për kultivim të bimëve narkotike dhe tjetrin për posedim të pushkës së gjuetisë prodhim turk por me leje të skaduar.

Në rrugën “Gazmend Zajmi” në Gjilan është arrestuar i dyshuari mashkull shqiptar pasi dyshohet se, në një shtëpi të pa banuar ka kultivuar dy bimë narkotike të llojit Marihuanë. Me urdhër të prokurorit i dyshuari pas intervistimit është liruar në procedurë të rregullt.

Kurse në rrugën “Halim Orana” po ashtu në Gjilan, është arrestuar i dyshuari mashkull shqiptar pasi që gjatë bastisjes në shtëpinë e tij është gjetur dhe konfiskuar një pushkë gjuetie e prodhimit Turk me leje të skaduar. Me urdhër të prokurorit i dyshuari është liruar në procedure të rregullt njoftoj policia e Kosovës./rajonipress/