Në fshatin Karaçevë e Epërme ekzistojnë gjurmë ilire

Nga Fehmi Kastrati – Në fshatin Karaçevë e Epërme të Kamenicës, fshihet një e vërtetë ILIRE!. Në regjionin e Gjilanit, janë disa lokalitete që ende vazhdojnë të qëndrojnë të paprekura nga dora hulumtuese, edhe pse mendohet që të njëjtat të ngërthejnë në vete fakte të rëndësishme që do ta pasurojnë historinë e popullatës shqiptare.

Një prej shumë lokaliteteve për të cilat besohet se ekzistojnë gjurmë ilire, është edhe fshati Karaçevë e Epërme – komuna e Kamenicës, ku ky fshat është një ndër lokalitetet më të vjetra të komunës Kamenicës.

Historia flet se me ardhjen e osmanëve në Ballkan dhe Kosovë, në shekullin e –XIV- të, ata e kishin regjistruar edhe këtë vendbanim me 22 shtëpi.

Karakteristikë e këtij fshati është se në këtë fshat, edhe sot gjenden disa mure prej guri, ku sipas të moshuarve të këtij vendbanimi, aty ka ekzistuar kisha ILIRE, që opinioni sot ka pak njohuri.

Në një të ardhme jo të largët, presim me padurim një interesim më të madh të institucioneve shtetërore të R. Kosovës, sepse hulumtimet arkeologjike në këtë lokalitet do të çojnë në argumente të padiskutueshme të prejardhjes Ilire të kësaj kishe, gjegjësisht një vazhdimësisë iliro-shqiptare të kësaj treve..

Presim që arkeologjia të e jep fjalën e fundit.