Në Drobesh të Vitisë fillojnë punimet në vendosjen e ndriçimit publik
Viti – Të martën me financimin e Komunës së Vitisë, në fshatin Drobesh të Epërm kanë filluar punimet në vendosjen e ndriçimit publik të këtij fshati.
Me këtë rast zv. Kryetari i komunës së Vitisë, Hasan Aliu dhe Kryesuesi i Kuvendit Komunal, Naim Pira kanë qenë të pranishëm në fillim e punimeve, ku edhe u pritën nga disa banorë të këtij lokaliteti.
Banorët theksuan se ky projekt është i rëndësishëm për sigurinë e tyre. Përndryshe gjatë viteve të shkuara komuna e Vitisë, ka punuar në shumë lokalitete në vendosjen e ndriçimeve publike, kryesisht në rrugët kryesore./rajonipress/