Në Budrikë nga një aksident trafiku lëndohen katër persona

Gjilan – Policia është njoftuar se në rrugën magjistrale Ferizaj-Gjilan, saktësisht në aksin rrugor në mes të fshatit Budrigë e Epërme-Radivojc, është shkaktuar aksident rrugor në mes një veture dhe automjeti për transport, ku si pasoj lëndime trupore pësojnë katër persona tha Ismet Hashani.

Sipas Hashanit deri te aksidenti dyshohet të ketë ardhur atëherë kur automjeti i markës Citroen Xsara te cilën e drejtonte B. S. shtetase zvicerane në rrugën Ferizaj-Gjilan, me të arritur në një kthese të thellë në të majtë, e humb kontrollin mbi automjetin e saj dhe kalon në shiritin e kundërt të lëvizjes dhe përplaset në automjetin transportues të markës Mercedes me targa vendore të cilën e drejtonte A. H. nga fshati Budrigë e Epërme.

Si pasoj e këtij aksidenti lëndime të rënda trupore , por jashtë rrezikut për jetë pëson drejtuesja e veturës Citroen Xsara, kurse lëndime të lehta trupore pëson drejtuesi i automjetit transportues si dhe dy pasagjerë që ishin bashkë me të në mjet që të gjithë me vendbanim nga fshati Budrigë e Epërme.

Të gjithë te lënduarit kërkojnë ndihme mjekësore në spitalin rajonal të Gjilanit. Rasti është duke u hetuar nga njësitet e trafikut rajonal të Gjilanit tha Hashani./rajonipress/