Në Anamoravë nis ndërtimi i qendrës më të madhe tregtare për perde dhe tepihë

Gjilan – Në Gjilan ka nisur ndërtimi i qendrës më të madhe tregtare për perde dhe tepihë ndërsa investitor është “NOTA Brilant Design$ Style”. Pronari Ardian Sylejmani në hapjen e punimeve tha se vlera e investimeve arrin rreth 5 milion euro kurse pritet të punësohen mbi 100 persona.

Në prani të shumë bizneseve, zyrtarëve komunal, të premtën ka nisur ndertimi i qendrës më të madhe tregtare në Anamoravë e më gjerë që ndodhet në hyrje të fshatit Livoq.

Kompania e njohur “NOTA Brilant Design $ style” e cila ka një emër të njohur në tregun kosovar dhe botëror për perde e tepihë është investitore e kësaj qendreje.

Ardian Sylejmani pronar i kompanisë duke vendosur gurëthemelin tha se në emërt të zotit kjo qendër tregtare do të jetë në shërbim të Gjilanit e Anamoravës dhe në shërbim edhe të klientelës sonë të madhe që e kemi krijuar nëpër tërë botën. “Jam i sigurt se ky investim që shkon mbi 5 milion euro do të ndikojë në zhvillimin ekonomik të Gjilanit dhe Anamoravës. Zotohem se “NOTA Brilant Design – Style” do të jetë në funksion të vlerave dhe avancimit të teknologjisë së perdeve dhe tepihëve” tha Sylejmani.

Kurse në emër të institucioneve ka përgëzuar dhe folur Arbër Ismajli” Ky investim i bënë nder Gjilanit e Kosovës dhe me plotë gëzim e përgëzoj investitorin. Kudo që kam ecur nëpër Evropë kam hasur vetëm në lavdërata e punë cilësore për këtë kompani” shtoj Ismajli.

Ndryshe në këtë eveniment të rëndësishëm në fushën e ekonomisë merrnin pjesë edhe biznesmen e zyrtar nga Vitia, Parteshi e Gjilani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).