Ndryshimi është i mundshëm

Ish-studenti i Harvardit të SHBA-së Shpend Ahmeti, po beson se ndryshimi do të ndodhë në Prishtinë. Në një intervistë për Tribunën ai ka përmendur moto dhe qasje të presidentit amerikan Barack Obama gjatë zgjedhjeve në shtetin më të fuqishëm të botës. Pikërisht shpresa, ndryshimi dhe mundësia janë elementet mbi të cilat Shpend Ahmeti i Lëvizjes Vetëvendosje mendon se do ta përmbysë rezultatin e 3 dhjetorit dhe do ta mundë përfundimisht Isa Mustafën e LDK-së.

“Kjo çka ka ndodhur në Prishtinë ka treguar se qytetari tashmë nuk e sheh politikën si të pandryshuar por e sheh mundësinë e ndryshimit dhe shpresës. Këtu ka qenë ndoshta goditja më e madhe e këtyre zgjedhjeve sepse thoshin se do ta fitonin Prishtinën me duar në xhepa, thoshin se nuk ka kush tjetër të bëjë në Prishtinë dhe nuk u doli ashtu. Unë po them që më 1 dhjetor ne besojmë shumë në përmbysjen e rezultatit. Ne besojmë në ndryshimin që do të ndodhtë këtu, jam gati”, ka thënë Ahmeti.

Kandidati, që është edhe nënkryetar i Lëvizjes Vetëvendosje, ka thënë se frymën e ndryshimit që po e sheh në Prishtinë, do të donte ta shihte në gjithë Kosovën…(Tribuna).