Ndërprerje e energjisë elektrike në Gjilan, për shkak të punimeve në rrjet

Gjilan – Për shkak të punimeve të domosdoshme për sigurinë e sistemit dhe rregullimin e një kablli të dëmtuar, një pjesë e qytetit të Gjilanit dhe disa fshatra përreth do të mbesin përkohësisht pa energji elektrike.

Sipas njoftimit, nga TS 110/35/10 kV Gjilani 1 do të ndërpritet furnizimi për NS 35/10 kV Gjilani I (kodi 600600), ndërsa të gjitha daljet 10 kV do të jenë pa tension nga ora 07:30 deri në 09:30.

Ndërprerja prek disa zona të qytetit, përfshirë rrugët Esat Berisha, Mulla Idrizi, Bulevardi i Pavarësisë, Gjinollët, Makfire Deda, Skënderbeu, Xhemë Topalla, Abdullah Tahiri, Adem Jashari, Hamdi Kurteshi, Muharrem Kurteshi, Mehmet Akif Ersoy dhe zona të tjera.

Pa energji elektrike pritet të mbesin edhe disa fshatra, ndër ta Bilinca, Inatoci, Llovca, Malisheva, Pograjë, Sllubica, Stublina, Uglari, Zabeli i Sahit Agës, Bukoviku, Capari, Dobërçani, Kufca e Poshtme, Vërbica e Kmetocit dhe Arkatana.

Shkak i ndërprerjes është rregullimi i kabllit XHE 49-A 1×240 mm², i cili është dëmtuar. Punimet janë planifikuar të kryhen gjatë intervalit të njoftuar, me qëllim të përmirësimit dhe sigurisë së furnizimit me energji elektrike./rajonipress/