Ndërprerje e energjisë elektrike në disa fshatra të Gjilanit, KEDS paralajmëron punime deri në orën 15:30

Gjilan – Banorët e disa fshatrave të komunës së Gjilanit do të përballen sot me ndërprerje të furnizimit me energji elektrike, për shkak të punimeve në rrjetin elektrik.

Sipas njoftimit, nga NS 35/10[kV] Gjilani II do të ndërpritet LP10kV J06 Kufca, nga ora 10:00 deri në 15:30.

Ndërprerja e energjisë do të prekë këto lokalitete: Dragancë, Kufcë, Kufcë e Epërme, Kufcë e Ulët, Makresh i Epërm, Makresh i Ulët, Mellc – një pjesë, Stanishor dhe Strazhë.

Sipas njoftimit, ndërhyrja po realizohet për eliminimin e defekteve dhe adresimin e gjetjeve të evidentuara gjatë inspektimit të rrjetit me dron.

Punimet synojnë përmirësimin e gjendjes teknike të rrjetit dhe rritjen e sigurisë e të qëndrueshmërisë së furnizimit me energji elektrike në zonat përkatëse. Ndërprerja pritet të zgjasë deri në përfundimin e orarit të paraparë, përkatësisht deri në orën 15:30./rajonipress/