Nderohet kontributi i Pajazit Zymberit, një jetë në shërbim të atdheut e çështjes kombëtare

Gjilan – Pa njerëz si bacë Pajaziti, nuk do ta kishim as lirinë e as pavarësinë. Pajazit Zymberi nderohet me mirënjohje me motivacion për “Kontribut të çështjes kombëtare”. Pajazit Zymberi, nga Uglari patriot dhe i burgosur politik i viteve 70-ta, i ka shërbyer kauzës për liri të popullit të Kosovës.

Pajaziti ishte shumë aktiv dhe ka dhënë një kontribut të madh në lëvizjet ilegale gjatë luftës së Ushtrisë Çlirimtare të Kosovës (UÇK) dhe deri pas luftës, veprimtar i palodhshëm për çështjen kombëtare.

Përveç Gjilanit dhe gjithë atyre qe njohin bacën Pajazit, janë krenar me këtë veprimtar që nuk u ndal së vepruari dhe angazhuari për më shumë dekada.

Ai nuk është frikuar dhe nuk është ndalur asnjëherë në rezistencën e tij për liri, pavarësi e bashkim. Iliri, rrugën e tij e ka bërë të bujshme si në rini ashtu dhe në pleqëri në ecjen e madhe të ngadalshme, por gjithmonë i pathyeshëm në rezistencën për liri, pavarësi dhe për shtet të përbashkët.

Ai nuk është frikësuar dhe nuk është ndalur asnjëherë në këmbëngulësinë e tij për ta bërë një ushtri të Kosovës. Edhe sot në moshë të shtyer, është aktiv atdhetar, humanitar, kombëtar, solidar, njeri i urtë, prind i mirë e mik i çmuar, fisnik e i dashur, i guximshëm e njeri i fjalës dhe punës, kreator manifestimesh të ndryshme, përkujtime të të rënëve për liri, veprimtar për ruajtjen e identitetit kombëtar, për ruajtjen e gjuhës, traditës, kulturës, flamurit.

Kur Kosovës i duhej, ai asaj ia kushtoi tërë qenien e tij. Në pamje të parë i thjeshtë, modest, por me veprën e tij idealiste atdhetare që ja kishte ngarkuar vetës tregon pamjen e një burri të madh./rajonipress/