Ndahet nga jeta veprimtari Zylfi Avdyli

Gjilan – Zylfi Avdyli nga Mireshi ka vdekur të shtunën në moshën 79 vjeçare. Të gjithë e kanë njohur si veprimtar, aktivist dhe njeri human. Tërë jetën e tij ishte në shërbim të humanizmit dhe respektit që kishte për gjeneratat e reja.

Zylfi Avdyli ka ndërruar jetë në moshën 79 vjeçare këtë të shtunë në fshatin e tij në Miresh. Të gjithë ata që e kanë njohur Zylfi Avdylin mund ta mbajnë mend për një veprimtar, aktivist e njeri të devotshëm të çështjes kombëtare.

Ndonëse kishte një moshë të shtyrë ai ishte gjithherë në rrjedha për zhvillimet politike. Ka marrë pjesë në shumë aktivitete për pajtimin e gjaqeve, një njeri tepër human e dinjitoz në punën e tij që e ka bërë edhe në ndërmarrjet shoqërore ku ka punuar.

Miqtë dhe të gjithë ata që kanë pasur rastin të jenë bashkëbisedues me Zylfi Avdylin e kanë vërejtur tek ai një ndjenjë shumë humane e njerëzore. Zylfi Avdyli pritet të varroset të dielën në Miresh njoftuan për rajonipress familjarët e tij./rajonipress/