Gjilan – Lajmi për vdekjen e dr. Shefqet Mehmetit i ka tronditur të gjithë. Shefqet Mehmeti ishte njëri nga urologët më të mirë në rajon, një njeri i kompletuar me të gjitha premisat e një eksperti dhe profesionisti të madh. I edukuar, humanist i jashtëzakonshëm, solidar e njohës i shumë rrethanave historike. Ka një arkiv të madh të fotografive dhe ka postuar qindra artikuj për qytetin e Gjilanit, Artanës, Vitisë e Kamenicës.
I papritur lajmi për vdekjen e dr. Shefqet Mehmetit. Sipas familjarëve dr. Shefqet Mehmeti ka ndërruar jetë sot ndërsa varrimi bëhet nesër, më 20.04.2022 (e mërkurë), me faljen e namazit të ikindisë, në varrezat e qytetit në Gjilan.
Po kush ishte dr. Shefqet Mehmeti. Një mjek i madh dhe i dashur, një edukator e profesor me një pedanteri të jashtëzakonshme.
Shefqet Mehmeti do i mungojë Gjilanit, fshatrave të tij që pothuajse i ka ecur të gjitha në këmbë, i ka vizituar dhe i ka prekur, ka bërë mijëra foto dhe është ndjer i lumtur, kur ka shkruar për historinë e Gjilanit.
Me profesion të super specializuar si urolog dhe si student i shkëlqyeshëm i Zagrebit, jetoj me shumë autoritet e respekt në Gjilan e më gjerë.
Ishte pjesëmarrës i të gjitha kongreseve e seminareve rreth Urologjisë dhe përkrahu të gjitha kategoritë, duke i ndihmuar në kontrollimet mjekësore falas.
Pusho i qetë doktori i madh dhe i paharruar nga ne./rajonipress/
