Ndahet nga jeta Ramadan Jashari, një punëtor i dalluar i spitalit të Gjilanit

Gjilan – Ramadan Jashari (1974) nga Pogragja ka vdekur këtë të diel pasi nuk mundi ta mbijetojë sëmundjen e gripit të derrave. Nysret Hajrullahu drejtor i spitalit ka konfirmuar për rajonipress se me vdekjen e Ramadan Jasharit spitali i Gjilanit ka humbur një punëtor të madhe e të dalluar.

Ramadan Jashari një teknik medicinal shumë i zoti, i afërt, i dashur për kolektivin ka humbur betejën me sëmundjen e gripit të derrave këtë të diele, ku ishte i shtrirë një kohë në spitalin e Prishtinës.

Nysret Hajrullahu drejtor i spitalit të Gjilanit tha për rajonipress se Ramadan Jashari ishte i prekur nga gripi i derrave, kurse për ne është një humbje e madhe dhe e pazëvendësueshme.”Do e kujtojmë gjatë sepse ka lënë mbresa të mira si në punë ashtu edhe në sjellje” tha Hajrullahu.

Ndryshe varrimi i Ramadan Jasharit bëhet të hënën me drekë kanë njoftuar familjarët e tij./rajonipress/