Ndahet nga jeta Ilaz Jashari, veteran i arsimit

Gjilan – Sa herë ndahet nga jeta një Mësues, fiket një kandil, ndërsa bota mbetet më e errët. Sapo mora lajmin e hidhur se qenka ndarë nga jeta Veterani i arsimit, mësuesi im i parë Ilaz Jashari, të cilin para disa ditësh e takova para teatrit të qytetit, me ç’rast ndamë disa fjalë nga e kaluara jonë e fundviteve ‘60-ta e fillimvitet e ‘70-ta ka shkruar Nehat Ramadani.

Ndonëse isha nisur për mësim, e nuk kisha shumë kohë, por e luta të uleshim në lokalin e afërt për të dëgjuar dhe përfituar nga përvoja e tij, sepse Mësuesi Ilaz kishte çfarë të tregonte.

Fillova si mësues, me mendim që të vazhdoj në drejtësi, sepse popullit tonë i bëheshin shumë padrejtësi, por ja që nuk munda kurrë t’u ndahem nxënësve, tha mësuesi im…

Pusho i qetë Mësuesi im, të gjithë ne do të vijmë tek Ti.

Lutem të na mëshiroj i Madhi Zot, e të bashkohemi në Xhinnetin Firdeus insha’Allah, sepse ngjyra e lapsit të mësuesit dhe gjaku i dëshmorit janë të barabartë te Krijuesi!