Ndahet nga jeta Beqir Buzuku, krijues e shkrimtar

Gjilan – Ka ndërruar jetë vëllai, babai, xhaxhai e daja ynë Beqir (Shefki) Buzuku. Sot pasdite, me 30 prill 2023, ka ndërruar jetë më i dashuri i familjes sonë Beqir (Shefki) Buzuku thuhet në njoftimin mortor të familjes.

Postimi i plotë i familjes:

Njoftim mortor
Ka ndërruar jetë vëllai, babai, xhaxhai e daja ynë Beqir (Shefki) Buzuku…
Sot pasdite, me 30 prill 2023, ka ndërruar jetë më i dashuri i familjes sonë Beqir (Shefki) Buzuku.
Ai u shua në moshën 75 vjeçare pas një sëmundje që e ligështoi në dy vitet e fundit.
Varrimi i të ndjerit bëhet nesër, e hënë, me 1 maj 2023, me kohën e drekës (në orën 13:00) në varrezat e qytetit në Gjilan.
Të pamet (ngushëllimet) për të ndjerin mbahen të martën dhe të mërkurën, me 2 dhe 3 maj 2023, në restorant “Luli” në lagjen “Baleci” në Gjilan (në orët 09:00-16:00).
E pikëlluar familja Buzuku

Biografia:

Beqir Buzuku (1948), shkrimtar shqiptarë.
U lind më 1948 në fshatin Tygjec të komunës së Kamenicës të Republikës së Kosovës. Shkollën tetëvjeçare e kreu në vendlindje, gjimnazin në Kamenicë, ndërsa Shkollën e lartë pedagogjike, dega gjuhë dhe letërsi shqipe, në Gjilan. Ishte anëtar i Lidhjes së shkrimtarëve të Kosovës.

Ishte anëtar i Lidhjes së Shkrimtarëve të Kosovës. Është larguar nga puna dhunshëm në 1990 pasi kishte shkruar telegramin përkrahës për minatorët e Trepçës, ka qenë i angazhuar nē ShBH “Nëna Terezë” në Gjilan, pjesëmarrës aktiv në protesta tē mbajtura në Gjilan e Prishtinë në vitet 90-99. Ishte qëndrestar i pandalur.

Veprat
Beqir Buzuku – Ka shkruar për fëmijë dhe për të rritur, dhe i ka botuar edhe këto vepra letrare:
Pesha e ngjyrave (poezi për fëmijë), Pionieri, Prishtinë, 1995,
Etje për buzëqeshje (poezi për të rritur), Jeta e re, Prishtinë, 1995,
Çupëza e ngjyrave (poezi për fëmijë), Pionieri, Prishtinë, 1996,
Përtej të sotmes, novelë fantastiko-shkencore (për të rinj), Forumi i krijuesve të artit, Prishtinë, 1997,
Lahuria e lulemollëve (poezi për fëmijë), Forumi i krijuesve të artit, Prishtinë, 2001,
Çelësat majë lapsi (poemë për fëmijë), Forumi i krijuesve të artit, Prishtinë, 2004,
Rrëshqitje në udhëkryq (poezi për të rritur), Galabroi, Prishtinë, 2005.
Tri ditët e shtojzovalles (novelë për të rinj), Lidhja e Shkritmtarëve të Kosovës, Prishtinë, 2009.
Atdheu me dy zemra (Poezi për fëmijë dhe të rinj), botoi SH.B. Orfeu, Prishtinë 2014./rajonipress/