Ndahet nga jeta avokati dhe ish prokurori Fahri Nuhiu

Gjilan – Të hënën papritmas nga njw sulm nw zemër ka vdekur avokati dhe ish prokurori i njohur nga Velekinca, Fahri Nuhiu. Për nder të kontributit të tij Oda e Avokatëve dega regjionale në Gjilan të martën nga ora 10.00 mbanë mbledhje komemorative.

Në zyrën e tij nga një sulm në zemër është ndarë nga jeta avokati dhe ish prokurori Fahri Nuhiu ka njoftuar për rajonipress avokati dhe kryetari i Odës së Avokatëve dega regjionale në Gjilan, Shemsedin Pira.

Pira e ka çmuar lartë kontributin e avokatit Fahri Nuhiu dhe angazhimin e tij të madh sa ishte edhe si prokuror në Prokurorinë e Qarkut duke u ballafaquar me shumë raste të rënda kriminale.

Për nder të kontributit të tij si avokat dhe si prokuror Oda Regjionale e Avokatëve dega në Gjilan të martën duke filluar nga ora 10.00 në ambientet e Gjykatës Themelore në Gjilan mbanë një mbledhje komemorative.

Kurse varrimi i Fahri Nuhiut bëhet të martën me namazin e drekës, ora 13:00 në varrezat e Velekincës së vjetër./rajonipress/