Ndahet nga jeta Agim Rexhepi

Gjilan – Është ndarë nga jeta Agim Rexhepi inspektor i lartë në Ministrinë e Arsimit në Gjilan, ish drejtor i arsimit në Gjilan dhe aktivist e punëtor i palodhur në shumë sfera.

Pas një sulmi në zemër është ndarë nga jeta të enjten vonë Agim Rexhepi. Lajmin për rajonipress e ka konfirmuar Riza Fazliu nga MASHT. Agim Rexhepi gjatë karrierës së tij ka pasur poste dhe pozita të rëndësishme duke filluar si sekretar shkolle në Pograxhë për disa vite, pastaj drejtor i arsimit në Gjilan dhe tash së fundit edhe inspektor regjional në MASHT.

Gjilani dhe sfera e arsimit ka humbur një njohës të mirë të kësaj lëmije. Varrimi i Agim Rexhepit bëhet sot në Gjilan./rajonipress/