Ndahet nga jeta, Aga Qamil, heroi që ecte këmbë për ta dorëzuar postën në fshatrat më të largëta

Gjilan – Është ndarë nga jeta Qamil Hasani njëri nga postierët më të vjetër në Anamoravë. Aga Qamil siç e kanë njohur të gjithë ka ecur me kilometra të tërë për tua dërguar postën familjeve të mërgimtarëve. Ishte njeri i qetë, i urtë e mbi të gjitha i ndershëm.

Është ndarë nga jeta në moshën 95 vjeçare Qamil Hasani nga Pograxha e Gjilanit, një postier në moshë dhe në pension. Të gjithë e kanë njohur si Aga Qamil. I respektuar dhe i nderuar nga të gjithë, i sjellshëm dhe me shumë kulturë.

Qamil Hasani për shumë fshatra të Anamoravës mbetet hero në vetvete sepse ka ecur në këmbë me kilometra të tërë për ta kryer shërbimin. Edhe pse në moshë rreth 95 vite, Qamil Hasani sërish ka ditur të jetë afër njerëzve dhe miqve që i ka dashur e respektuar. Edhe në varrimin e tij janë dhënë fjalët më të mira të mundshme për të./rajonipress/