Nagavci: S’kemi raport zyrtar, nga informata procesi mësimor nuk po zhvillohet në veri

Ministrja e Arsimit, Shkencës, Teknologjisë dhe Inovacionit, Arbërie Nagavci ka folur edhe për situatën në veri të vendit, raporton Ekonomia Online.

Ajo ka sqaruar se nuk kanë raport zyrat nëse është ndërprerë mësimi, por që kanë informata se nuk po zhvillohet procesi mësimor.

Sipas saj, e gjithë kjo situatë po vjen si pasojë e organizmit të grupeve kriminale në atë pjesë.“Aktualisht jemi në dijeni për situatën atje, sigurisht se jemi të informuar si kabinet qeveritar por edhe si institucione. Sa i përket asaj, nuk kemi pranuar raport zyrtar nëse është ndërprerë apo jo mësimi, por që kemi informata se atje nuk po zhvillohet procesi mësimor”.“Unë besoj se kjo është një ndër faktorët kryesor të gjendjes aktuale atje, jo nga nxënësit por nga grupet kriminale”, tha Nagavci.