Nagavci i quajti grevat “kërcënim”, përgjigjet Rrahman Jasharaj
RajoniPress
12:36, 23 Gusht, 2022
Kryetari i Sindikatave të Bashkuara të Arsimit, Shkencës dhe Kulturës (SBAShK), Rrahamn Jasharaj, ka thënë se fillimi i grevës prej 25 gushtit nuk është kërcënim.
“Kërcënim” e ka cilësuar ministrja e Arsimit, Arbërie Nagavci, të hënën.
…
Por Jasharaj thotë se ka Ligj për grevat, shton se ato janë domosdoshme kur Qeveri e refuzon dialogun.
“Nuk është kërcënim. Ne gjithmonë kemi paralajmëruar dhe është e drejtë edhe me Ligjin për Greva. Pas një rrugëtimi kaq të gjatë kur qeveria nuk pranon dialog dhe nuk pranon të merret me kërkesat tona nuk kemi pasur zgjidhje tjetër përveç ta dëgjojmë zërin e anëtarësisë”, ka thënë ai për EO.
Ka shtuar se greva do të vazhdojë derisa Qeveria të i pranojë kërkesat e tyre.
“Më 25 nuk ka mësim, por mësimdhënësit do ta bëjnë grevën në shkolla, çerdhet do të jenë në grevë, administrata do të jetë në grevë. Greva do të zgjasë deri sa qeveria të këndellet dhe të ketë qasje të drejtë ndaj kërkesave tona dhe t’i realizojë ato”, ka thënë Jasharaj.
Të hënën, Arbëria Nagavci ka thënë se “kanë bërë të gjitha përgatitjet për nisjen e vitit të ri shkollor 2022/2023”. /Express/
