Na maltretuan dhe na mashtruan

Nga Demir Krasniqi- Për mënyrën se si u organizua dhe si u realizua Koncerti i Këngës dhe Muzikës Folklorike, dedikuar Diasporës Shqiptare , në Gjilan, më datën 26 Korrik 2012, kemi shkruar më herët dhe për këtë , opinioni i gjerë publik është njoftuar në detaje.

Tani, e shohim të nevojshme që ta njoftojmë publikun e gjerë edhe për një lojë e mashtrim tjetër perfid , i cili iu atribuua fillimisht të gjithë pjesëmarrësve dhe interpretuesve të muzikës folklorike , nga ana e Organizatorëve të asaj Mbrëmje, me rastin e ftesave për atë Koncert !

Meqë , asnjëri nga protagonistët e ftuar për të marrë pjesë në atë Koncert, nuk ka parashtruar kushte paraprake dhe nuk ka kërkuar as kompensime materiale , Organizatorët e këtij Koncerti, krahas ftesave përmes telefonave celularë , në vazhdimësi na kanë premtuar se do të na shpërblejnë me nga një mëditje modeste , në shumë prej 20 Eurove !

Megjithatë, Koncerti u mbajt ashtu siç u mbajt, nën kushtet për të cilat kemi shkruar më herët, por premtimi i Organizatorit për këtë pagesë minimale nuk u realizua sot e atë ditë ?!

Në përpjekjet tona, për të kërkuar sqarime lidhur me këtë mashtrim, Organizatorët filluan t’ia hedhin topin njëri – tjetrit , e pastaj ka qenë e pa mundur për të kontaktuar dhe marrë sqarime zyrtare, nga se tani ata nuk po na i hapin as telefonat për komunikim ?!

Pra, kjo është edhe një pasqyrë reale se si na maltretuan dhe na mashtruan edhe kësaj radhe, organizatorët e manifestimeve të këtilla !

Shpërndaje.
© RAJONIPRESS