Mustafi nuk është në shitje

Bayer Leverkusen kohëve të fundit ka shprehur interesim të madh për t’i siguruar shërbimet e futbollistit shqiptar, Shkodran Mustafi. Mirëpo, gjermanët thuajse e kanë të pamundur ta transferojnë atë në Bundesligë nga Serie A, ngase skuadra italiane, Sampdoria nuk e ka fare ndërmend ta lirojë mbrojtësin 21 vjeçar.

Mustafi po konsiderohet si njëri prej qendërmbrojtësve më të mirë në Itali, andaj skuadra e tij ka nevojë të madhe për shërbimet e tij, për çka nuk dëshiron të dëgjoj asnjë ofertë të Bayer Leverkusen, raportojnë mediat italiane. “Mustafi është me nënshtetësi gjermane dhe luan për përfaqësuesen e shpresave të këtij vendi. Por, Sampdoria beson fuqishëm tek ai, andaj e ardhmja e tij nuk është aspak në dyshim. Sampdoria as që mendon për të shitur kartonin e tij”, ka thënë menaxheri i futbollistit, Domenico Cuccarese.