Mustafi i përgjigjet Barcelonës
Shkodran Mustafi insiston se ai po mendon vetëm për Valencian.Mbrojtësi i Valencias, Shkodran Mustafi po kërkohet me ngulm nga kampioni i Evropës, Barcelona.
Fichajes.net shkruan se përfaqësuesi gjerman po mendon vetëm për Valencian dhe se kjo nuk është çështje e tij, por e Valencias dhe Barcelonës.
Mustafi besohet të ketë thënë se nëse ndonjë skuadër ka interes për të, atëherë duhet të negociojë me Valencian.
Kujtojmë se Mustafi vitin e kaluar nga Sampdoria kaloi në Valencia dhe ka kontratë me skuadrën spanjolle deri në vitin 2019. /Express