Edhe pse më herët u raportua se do t’i bashkohet Kombëtares shqiptare, Shkodran Mustafi ka tjera plane. Mbrojtësi shqiptar ëndërron Botërorin 2014 me Gjermaninë.
Gianni de Biassi kishte paralajmëruar se Shkodran Mustafi do t’i bashkohej Kombëtares shqiptare për eliminatoret e Euro 2016. Por, mbrojtësi i Sampdorias nuk i ka mëndët te Shqipëria.
Mustafi, i cili pjesë e ekipit U-21 të Gjermanisë, ëndërron të marrë ftesë nga selektori gjerman, Joachim Low për Kampionatin Botëror ‘Brazil 2014’.
“Do të ishte një ëndërr që ta vesh fanellën e ekipit të parë, por për momentin unë e kam marrë një ftesë nga ekipi U-21 për një miqësore. Nëse në të ardhmen do të arrinte një ofertë, do të isha i lumtur”,ka deklaruar ish mbrojtësi i Evertonit për uebfaqen cittadigenova.com
Mbrojtësi me prejardhje nga Maqedonia ka thënë se për momentin është i koncentruar te skuadra e Sampdorias, e cila po lufton për mbijetesë në Serie A.
