Mustafa zyrtarizon fillimin e zgjedhjeve të LDK-së, thotë se LDK është unike për këtë proces

Isa Mustafa, lideri i partisë opozitare, LDK-së, ka zyrtarizuar sot fillimit e procesit zgjedhor të brendshëm të kësaj partie, teksa ka theksuar se partia e tij është unike për këtë proces raporton “Zeri.info”.

Mustafa këtë gjë e bëri të ditur pas mbledhjes së sotme të kryetarëve të degëve të kësaj partie.

“Në mbledhjen e sotme ne trajtuam çështjet e orientimit të politikave tona në zgjedhjeve e brendshme të LDK-së. Kemi filluar zgjedhjet me kriteret e përfaqësimit dhe organizimit dhe kritereve të caktuara nga partia e jonë. Jemi marrë vesh qe në fazën e parë të fillojmë me 22 degë, pastaj vazhdojnë edhe me 11 degë të tjera për te vazhduar pastaj me degët tjerë në mërgatë”, theksoi Mustafa.

I pari i LDK-së bëri të ditur që mundësia për të kandiduar për kryetar të degëve dhe nëndegëve do ti ipet secilit pjestar të LDK-së.

Ai theksoi se objektiva e partisë së tij është që përmes zgjedhjeve partiake, të forcohet kjo parti.

“Objektiva jonë kryesore është që të forcohet LDK dhe ti japim mundesi të gjithë atyre që janë pjesë e LDK-së. Kemi një unitet brenda partisë i cili është i qëndrueshëm brenda partisë sonë”, potencoi Mustafa/Zeri