Mustafa tejkalon mosmarrëveshjet me PSD

Gjilan –Qemajl Mustafa tha se me PSD janë marrë vesh që nën kushtet ligjore të konkursit ata të mund të preferojnë pozitat për drejtor shkollash,zëvendës,menaxher në shëndetësi apo shërbimin civil.

Për një kohë mbeti pezull koalicioni PDK-PSD veçmas pas caktimit të drejtorit të kulturës jashtë grupimit të PSD-së. Mirëpo si duket Qemajl Mustafa ka arritur të merret vesh me kreun e PSD-së Ismet Hajdinin, në mënyrë që të vazhdohet edhe më tutje koalicioni.

Mustafa tha për rajonipress se me PSD janë marrë vesh që nën kushtet ligjore të konkursit ata të mund të preferojnë pozitat për drejtor shkollash,zëvendës,menaxher në shëndetësi apo shërbimin civil.”Me PSD qëndrojmë fare mirë,kjo kështu do të jetë deri në fund të mandatit “ u shpreh Mustafa.

Ndërkaq i pyetur rreth koalicionit të mundshëm me AAK në Gjilan Mustafa tha se gjithçka do të dihet në shtator.

Ismet Hajdini ndërkaq ka thënë se është në pritje të Agim Çekut. “Ardhja e Çekut në Gjilan dhe marrja e një vendimi në kryesi për mua do të jenë valide dhe obligative” ka thënë Hajdini./rajonipress/

Shpërndaje.
© RAJONIPRESS