Mobi Casa

Mustafa: Të votohen e kandidohen më të mirët e PDK-së

/ 3 minuta lexim
Fundamenti

Gjilan – Qemajl Mustafa kryetar i Gjilanit duke folur para delegatëve të PDK-së tha se për pesë vite në Gjilan janë bërë punë epokale. Ai ka thënë se PDK ka dëshmuar të jetë e aftë për të qeverisur në të gjitha situatat derisa ka kërkuar që të zgjidhen e votohen kandidatët më të mirë. Izmi Zeka tha se PDK do të vazhdojë gjatë me qeverisje.

Kuvendi zgjedhor i IV i degës së PDK-së si zakonisht ka nisur me një orë vonesë. Asgjë nuk ka nisur pa qenë prezentë edhe lideri i tyre Hashim Thaçi i cili ka përgëzuar delegatët për kontributin e jashtëzakonshëm që kanë dhënë për 13 vite.

Kurse Basri Musmurati koordinator i zgjedhjeve brenda PDK-së tha se procesi ka shkuar normalisht edhe pse ka pasur aty këtu bërryla ngapak, por gjithçka ka shkuar në favor të demokracisë dhe zhvillimeve brenda PDK-së.

Izmi Zeka kryetar i deritanishëm i PDK-së tha se kanë krijuar vlera demokratike. Sipas tij PDK është forcë numër një në Gjilan dhe Kosovë kurse zgjedhjet në PDK kishin një frymë garuese dhe një vetëdije politike e cila është garantuese e rritës së shtetit të Kosovës.

Zeka tha se jemi njëra nga partitë e degës ë PDK-së më të fuqishmet në Kosovë. “Ishim model i organizimit dhe i përkushtimit dhe nga këto premisa ju sigurojë dhe garantojë se qeverisja me PDK do të jetë edhe më e gjatë “tha Zeka.

UBT

Qemajl Mustafa kryetar i Gjilanit tha se për këto vite kemi kaluar nëpër shumë sfida deri në momentin kur në pushtet erdhi PDK. “Tani Gjilani është më ndryshe, është më i bukur, më i mirë. Gjilani për këto pesë vite ka arritur rezultate kulmore dhe realisht janë bërë kthesa epokale” tha Mustafa.

Mustafa ndërkaq tha se qyteti i Gjilanit nuk përfshinë vetëm 100 mijë banorë, por është një katalizator rajonal e ndërkombëtarë që integron dhe inkorporon edhe interesat e shqiptarëve në Luginë e Maqedoni. “Andaj investimet në Anamoravë dhe në infrastrukturë janë të domosdoshme”.

Duke ju referuar zgjedhjeve në PDK e Gjilanit Mustafa ka kërkuar nga delegatët që të votohen e të kandidohen më të mirët sepse siç u shpreh ai , kemi ende punë për të bërë dhe patjetër që PDK sërish do t`i fitojë zgjedhjet lokale sepse kemi krijuar një performancë të mirë tha Mustafa.

Hashim Thaçi ndërkaq pasi ka dëgjuar për kërkesat e Mustafës rreth investimeeve tha se “ne do ju mbështesim aq shumë me projekte, saqë ju do të lodheni “?.

Kuvendi i ka vazhduar punimet ku 181 delegat pritet të zgjedhin Këshillin Drejtues i cili pastaj zgjedhë kryesinë e degës dhe më pas zgjidhet edhe kryetari i degës ku ditëve të fundit ka pasur një luftë të ashpër për të tërhequr votat e delegatëve./rajonipress/