Mustafa: Po vazhdon fuqizimi i projektit “DekadaeRe”

Gjilan – Qemajl Mustafa çdo ditë takon dhe pret aktivist e simpatizant të shumtë të cilët i kanë shprehur urimet e tyre me rastin e zgjedhjes kryetar të degës së PDK-së. Mustafa ka thënë se po vazhdon fuqizimi i projektit “DekadaeRe”.

Qemajl Mustafa definitivisht e ka ngjallur aktivitetin dhe e ka shtuar entuziazmin e aktivistëve të PDK-së, i cili entuziazëm as që ekzistonte para pak muajsh, ku dega e PDK-së pothuajse kishte pësuar vdekje klinike për më shumë se 5 vite.

Edhe pas zgjedhjes në krye të PDK-së Qemajl Mustafa vazhdimisht merr përkrahje e mbështetje nga baza elektorale dhe nga shumë qytetar të zhgënjyer nga qeverisja aktuale.

Postimi i plotë i Qemajl Mustafës

Sot isha i nderuar nga disa vizita në selinë e degës së PDK. Ishte një përfaqësim i pjesërishëm i nëndegëve të Dardanisë dhe të fshatit Malishevë dhe Capar. Të gjitha këto ardhje janë të rëndësishme për mua por patjetër paksa më e veçantë ishte ardhja e dy nëndegëve të fshatit tim, fshatit Malishevë dhe e fshatit Capar. Aty e kisha dhe e kam bazën time elektorale dhe të aktivitetit politik që nga fillimi. I falënderoj të pesë kryetarët (Sabedinin, Flamurin, Ardianin, Izerin dhe Reshatin) sikur edhe të gjithë kryetarët e deritanishëm dhe anëtarët e kryesive të këtyre nëndegëve. Dua ta veçoj me këtë rast kontributin e veçantë të ish kryetarit të nëndegës së Malishevës së Ultë dhe të këshilltarit të spikatur të dy mandateve në KK të Gjilanit z. Riad Rashitin. E falënderoj në emër të degës për aktivitetin shumëvjeçar dhe për kontributin e dhënë.

Kurse në fund të ditës ishte për vizitë edhe kryetari i nëndegës së 9-të (Dardani)Abdylatif Latifi me disa nga anëtarët e kryesisë së nëndegës. I falënderoj të gjithë sinqerisht për angazhimin në procesin zgjedhor dhe për gatishmërinë që bashkë të vazhdojmë drejtë sukseseve dhe fitoreve të reja ka shkruar Qemajl Mustafa./rajonipress/