Mustafa ngushëllon familjen e Kadri Osmanit

Gjilan- Kadriu dhe brezi i tij, pavarësisht ku ishin dhe rrethanave të asaj kohe të egër për shqiptarët, gjithmonë ishin në shërbim të atdheut dhe lirisë së tij. Pikërisht për shkak të angazhimit dhe kontributit të tij patriotik, vuajti dënimin nga regjimi antishqiptar serb, me burgim të gjatë thuhet në telegramin e kryetarit të Komunës.

Me rastin e vdekjes së veprimtarit të kauzës shqiptare, Kadri Osmani, kryetari i Komunës Qemajl Mustafa, ka ngushëlluar familjen e të ndjerit.

“E nderuara familja Osmani!. Na lejoni të shprehim ngushëllimet tona të sinqerta dhe bashkë me ju të ndajmë dhembjen dhe pikëllimin për humbjen e birin tuaj, vëllait, bashkëshortit, mikut e atdhetarit të kauzës shqiptare, njeriut tonë të dashur, Kadri Osmani! Ashtu si ju, familje e nderuar dhe shokë të Kadriut, edhe ne si institucione ndjehemi krenar me veprën atdhetare të Kadriut.

Mustafa ka thënë se Kadriu dhe brezi i tij, pavarësisht ku ishin dhe rrethanave të asaj kohe të egër për shqiptarët, gjithmonë ishin në shërbim të atdheut dhe lirisë së tij. Pikërisht për shkak të angazhimit dhe kontributit të tij patriotik, vuajti dënimin nga regjimi antishqiptar serb, me burgim të gjatë. Ai punoi dhe veproi me krejt potencialin që kishte për lirinë e vendit tonë që po e gëzojmë ne sot.

Liria e Kosovës dhe Pavarësia e saj, gjithsesi është rezultat i sakrificës dhe veprës atdhetare të Kadriut me shokë. Ndaj, ne jemi krenar që e patëm – thuhet në ngushëllimin e kryetarit të Komunës Qemajl Mustafa./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).