Mustafa: Në Samitin e Parisit u nxorën konkluzione të rëndësishme për Kosovën

Kryeministri i Republikës së Kosovës, Isa Mustafa, përmes një postimi në faqen e tij në facebook ka shkruar se në Samitin e Parisit u nxorën disa konkluzione shumë të rëndësishme për Kosovën dhe rajonin, Kosova përfituese e drejtpërdrejt nga përkrahja në kuadër të këtij samiti.

Ky është shkrimi i plotë i Mustafës në Facebook:

“Gjatë dy ditëve të fundit qëndrova në Paris, në Samitin e Liderëve. Pas takimeve të Berlinit dhe Vjenës, në Samitin e Parisit, u nxorën disa konkluzione shumë të rëndësishme për Kosovën dhe rajonin.

Kosova përfituese e drejtpërdrejt nga përkrahja në kuadër të këtij samiti. Presidenti Hollande, Kancelarja Merkel, zonja Mogherini e të gjithë liderët evropianë theksuan se për Kosovën dhe rajonin dyert e BE-së janë të hapura, pas plotësimit të kritereve.

Po ashtu, në Paris u nënshkrua marrëveshja, sipas të cilës shteti i Francës do të jep 66 milionë euro kredi tejet të volitshme për trajtimin e ujërave të zeza në rajonin e Prishtinës”, shkruan Mustafa në Facebook.