Mustafa ndëshkon edhe Fadil Hajdarin

Gjilan – Paralelisht shkarkimit të Selver Xhelilit, kryetari i komunës Qemajl Mustafa e ka proceduar në komisionin disiplinor edhe zyrtarin e kadastrit Fadil Hajdarin me arsyetimin e ka dëmtuar rëndë imazhin e një zyrtari të komunës.

Qemajl Mustafa pasi ka shkarkuar Selver Xhelilin për shkak të sjelljeve të papërgjegjshme e të herëpashershme gjatë gjithë mandatit të tij, e cila ka kulmuar edhe me qërim fizik të hesapeve më 25 qershor 2012 me zyrtarin e kadastrit, Fadil Hajdarin, ka iniciuar në komisionin disiplinor edhe zyrtarin e kadastrit.

Qemajl Mustafa ka proceduar për në Komisionin Disiplinor edhe Fadil Hajdarin, zyrtar për azhurnimin e bazës tekstuale kadastrale në drejtorinë e Kadastrit. Në vendimin e procedimit të Hajdarit thuhet se ai ka rënë në konflikt verbal dhe fizik me drejtorin Xhelili në prezencë të dy personave të tjerë në hapësirën e parkingut të komunës, me ç’rast kanë dëmtuar rëndë imazhin e tyre prej zyrtari të komunës por edhe më rënd e kanë dëmtuar imazhin e institucionit të Komunës.

Në fund të këtij vendimi i rekomandohet Komisionit Disiplinor që ta shqyrtojë rastin me përkushtim dhe të merr qëndrim meritor disiplinor ndaj Fadil Hajdarit. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).