Mustafa: Kosova i ka përmbushur kriteret teknike për liberalizimin e vizave

Kryeministri i Republikës së Kosovës, Isa Mustafa, së bashku me ministrin e Integrimit Evropian, Bekim Çollaku, kanë takuar sot ambasadorët e vendeve të Bashkimit Evropian në Kosovë.

Temë e takimit ka qenë përmbushja e kritereve për liberalizimin e vizave.

Sipas një njoftimi, kryeministri Mustafa dhe ministri Çollaku kanë njoftuar të pranishmit se Kosova në tërësi i ka përmbushur kriteret teknike për liberalizimin e vizave dhe se Kosova pret që BE-ja të marr vendimin e premtuar politik, i cili do të rekomandonte që nga viti i ardhshëm edhe qytetarët e Kosovës të udhëtojnë pa viza në vendet e BE-së. /Telegrafi/