Mustafa e telefonon Pacollin: AKR mbështet mocionin

Mustafa e telefonon Pacollin: AKR mbështet mocionin. Aleanca Kosova e Re do ta votojë mocionin e ngritur nga Lidhja Demokratike e Kosovës.

Kështu bëhet e ditur nga zyra për informim e kësaj partie, të cilët me anë të një komunikatë për media njoftuan se nuk do të qëndrojnë të vetmuar dhe se do ta përkrahin mocionin.

‘Kjo qeveri po e rrëzon veten në kohën më të keqe të mundshme. Vendi ka nevojë për qeveri që iu shërben qytetarëve në këtë kohë krize ku po përballemi me pandemi botërore, e jo për qeveri që merren me kriza artificiale, me njëri- tjetrin’.

‘Eksperienca jonë gjatë muajve të fundit në Parlamentin e Kosovës nuk ka qenë fare e mirë. Ka munguar çdo kontakt (edhe human) me partitë qeveritare, (pos disa deputetëve të LDK-së)”.

“Behgjet Pacolli ka pranuar një telefonatë nga Isa Mustafa dhe ia ka prezantuar qëndrimin e AKR-së”, thuhet në komunikatë.