KKGJILAN

Mustafa : Depolitizimi i jetës publike, prioritet i imi

/ 3 minuta lexim

Gjilan – Qemajl Mustafa tha për rajonipress se qëllimi i tij ka qenë dhe mbetet përherë depolitizimi i jetës publike (administratës, arsimit e shëndetësisë) e kjo do të thotë trajtimi i barabartë i njeriut të komunës me qëllim të kthimit të besimit të tij te kryetari, qeverisja lokale dhe qeveria e vendit. Ne si LDK mendojmë se Kryetari i komunës më pozitivisht ka luajtur rolin e të qenit në shërbim të të gjithë subjekteve politike në kuvendë komunal pasi edhe ashtu e ka misionin dhe për këtë meriton lëvdata shprehet Arben Mehmeti i LDK-së.

Kreu i Gjilanit i cili mbajti një debat me qytetarë pak më ditë më herët e ku është përgjigjur në interesimet e tyre tha se qeverisja e mirë para së gjithash nënkupton trajtim të barabartë të qytetarëve pavarësisht nga bindjet e tyre politike dhe prejardhjet etnike, racore e fetare. “Njeriu më së shumti irritohet dhe e humbë besimin kur trajtimi i tij është diskriminues dhe fyes. Qëllim imi ka qenë dhe mbetet përherë depolitizimi i jetës publike (administratës, arsimit e shëndetësisë) e kjo do të thotë trajtimi i barabartë i njeriut të komunës me qëllim të kthimit të besimit të tij te kryetari, qeverisja lokale dhe qeveria e vendit” thotë Mustafa.

Qemajl Mustafa thotë se qëllim themelor i politikës është emancipimi i mendimit dhe sjelljes politike. “Politika është njëra nga shkollat më të rëndësishme të popullit krahas shkollës së rregullt publike dhe familjes si shkolla më e fuqishme dhe themelore për formësimin e individit. Detyrë e saj është ndërtimi i qeverisjes së mirë dhe qasjes konstruktive e korrektuese opozitare” shprehet Mustafa.

RCCOLA

Mustafa tha se e ka çmuar përherë qasjen konstruktive të opozitës roli i së cilës për këto vite ishte tejet domethënës dhe kontribues. “Shoqëria lëviz përpara vetëm me koncenzus gjithëpërfshirës dhe angazhim të sinqertë”.

Ndonëse e ka quajtur debatin e kryetarit si të njëanshëm meqë nuk janë prezantuar të metat dhe anët negative që e ka përshkruar qeverisjen lokale , Arben Mehmeti shef i partisë opozitare më të madhe në Kuvend thotë se ne si LDK mendojmë se Kryetari i komunës më pozitivisht ka luajtur rolin e të qenit në shërbim të të gjithë subjekteve politike në kuvendë komunal pasi edhe ashtu e ka misionin dhe për këtë meriton lëvdata, dhe këtij misioni më tepër i shërben edhe subjektit të vetë politikë PDK-së.

Madje, Mehmeti thotë se Qemajl Mustafa është interes edhe i qytetarëve të komunës që ai ta ketë edhe timonin e degës së PDK-së sepse në këtë mënyrë është më i lirë të ushtrojë pozicionin si kryetar i komunës./rajonipress/