Musliu uron Ali Ahmetin për fitoren

Lëvizja e Progresit Demokratik dhe lideri i saj z. Jonuz Musliu, i cili njëherit është kryetar i Kuvendit Komunal në Bujanoc, uron Bashkimin Demokratik për Integrim dhe udhëheqësin e saj Ali Ahmeti, për fitoren e thellë në zgjedhjet parlamentare, të mbajtura, më 27 prill në Maqedoni.

Fitorja historike e BDI-së në Maqedoni, është fitore e shqiptarëve, të cilët përmes deputetëve të tyre, do të jenë një zë i fuqishëm në Parlamentin e Maqedonisë, për t’i zgjidhur problemet në mënyrë institucionale.

LPD dhe drejtuesi i saj Jonuz Musliu, qoftë përmes telefonit, qoftë përmes telegramit urues, e përgëzon mikun e tij Ali Ahmeti, për fitoren e madhe, duke i dëshiruar suksese në rrugën e realizimit të aspiratave politike dhe historike të popullit shqiptar në Maqedoni.

Kësaj fitoreje i gëzohet edhe LPD dhe gjithë shqiptarët e Luginës së Preshevës, njofton Qendra për Informim e LPD-së./rajonipress/