Musliu: Qytetarët tanë janë manipuluar, e shfrytëzuar për të mbushur hambarët e të tjerëve

Gjilan – Që nga çlirimi i vendit dhe krijimit të shtetit të Kosovës, qytetet që gravitojnë në Anamoravë, Gjilani, Vitia duke përfshi Kamenicën, Artanën, komplet Karadaku, Malësia e Zhegovcit, e Gollaku asnjëherë nuk kanë qenë të përfaqësuara dhe të trajtuara në mënyrë dinjitoze, madje qytetarët tanë janë manipuluar, shfrytëzuar për të mbushur hambarët e të tjerëve, duke pranuar të jemi të dëgjueshëm, duke ju besuar liderëve servilë dhe të pa denjë, këta lider nuk kanë dëgjuar zërin dhe kërkesat e qytetareve tanë thotë Shaban Musliu i cili është pjesë e Bashkimit për ndryshim “Anamorava”.

Shaban Musliu thotë se është momenti i fundit që të gjithë ne t`i kthehemi vetvetes dhe të punojmë për vetën tonë, për qytetarët tanë. “Është shumë i qëlluar krijimi i subjektit politikë autokton në Anamoravë. Urojë që të ketë suksese dhe besojë që qytetarët e rajonit tonë të bëjnë mobilizimin e tyre duke përkrahur këtë subjekt në arritjen dhe realizimin e kërkesave të tyre” është shprehur Musliu./rajonipress/