Musliu: Fati i shqiptarëve të Preshevës nuk është në duar të serbëve të Kosovës

Bujanoc- Se çfarë u bisedua në seancën e jashtëzakonshme të këshilltarëve të shqiptarë të tre kuvendeve në Luginën e Preshevës, Jonuz Musliu, kryetar i LPD-së, për agjencinë e lajmeve “Presheva jonë” ka deklaruar se “në seancën e kuvendarëve shqiptarë të Medvegjës, Bujanocit dhe Preshevës nuk u tha e as nuk u vendos asgjë konkrete, pos se u miratua rregullorja e re duke zgjedhur kryesine re”.

Musliu ka pohuar se, fati i shqiptarëve të Preshevës nuk është në duar të manovrimeve serbe në Kosovës.
“Para atij të ashtuquajturi asociacion i komunave serbe në Kosovë, ne kemi pasur dhe e kemi platformën politike të vitit 2006 dhe Kuvendin e Këshilltarëve shqiptare të tri komunave. Siç e thash nuk pat asgjë konkrete nga seanca e sotme e jashtëzakonshme të kuvendeve, përveç atyre kërkesave tashmë të njohura të cilat ia përsëritim edhe sot për t’ja dërguar sërish OSBE-së, Beogradit dhe Trupit Koordinues. ”

Sipas Musliut, fati dhe perspektiva e shqiptarëve të Preshevës nuk është në duar të serbëve në Kosovës. “Lugina e Preshevës ka qëndrime të qarta, kërkon bashkim me shtetin amë Kosovën, për çka u luftua dhe u puna në ketë drejtim”, ka thënë Musliu.