Hidromorava

Murray shpëtoi nga masakra ku iu vranë 16 shokë të klasës dhe mësuesja

/ 2 minuta lexim

New York – Në vitin 2010, Murray pati qarë si fëmijë kur u mposht në finalen e turneut “Australian Open” nga zvicerani Roger Federer.

Të njëjtën skenë Murray e përsëriti edhe në qershorin e këtij viti kur u mposht në finalen e turneut “Wimbledon”, po nga zvicerani. Murray ia plasi vajit edhe pas finales së “US Open”, por kësaj here ishin lot gëzimi.

“Ishte një fitore emocionuese dhe nuk arrita ta përmbaj veten, kështu që qava pas triumfit. Jam shumë i gëzuar që më në fund arrita ta fitoj një Grand Slam. Besoj se e kam merituar, pasi këtë vit kam treguar një formë të mirë”, tha Murray. “Ishte një finale shumë e vështirë, por kisha besim të madh në vete”.

Fundamenti

Për Murrayn ishte një rrugë e gjatë dhe e vështirë për të arritur deri këtu. Ai kishte lindur në Glasgow, kurse është rritur në Dunblake. Kur ishte nxënës i shkollës fillore në Dunblane, Murray ishte në klasë në vitin 1996 kur një vrasës me armë automatike i mbyti 16 nxënës dhe mësuesin para se t’ia drejtonte armën vetes. Murray atëbotë ishte vetëm tetëvjeçar dhe ishte fshehur nën bankë. Kjo gjetje e tij besohet se ia shpëtoi edhe jetën.

Në moshën 15-vjeçare Murray u transferua në Barcelonë ta ndihmonte karrierën e tij të tenisit. Në vitin 2008, ai shijoi finalen e parë në karrierë, por i humbi tre setet në “US Open”.