Murati: Gati 81 mijë persona në Kosovë paguhen më pak se 264 euro në muaj
RajoniPress
07:36, 22 Korrik, 2023
Ministri i Financave, Punës dhe Transfereve, Hekuran Murat, ka thënë se janë gati 81 mijë persona që paguhen më pak se 264 euro në muaj.
Këtë statistikë, Murati e ka ndarë me ndjekësit pasi Ligji për Pagën Minimale përfundoi në Gjykatën Kushtetuese.
Murati ka thënë ata që për më shumë se një dekadë e lanë pagën minimale në 130/170 euro, sot e paskan dërguar në Gjykatë Kushtetuese Ligjin për Pagën Minimale.
“Pra lëre që ata vetë nuk e rritën pagën minimale sa ishin në pushtet, por tash kur ne e rritëm, po tentojnë që me çdo kusht ta bllokojnë. Pse vallë kanë kaq shumë urrejtje?!”, ka shkruar Murati.
Ndryshe, AAK e ka dërguar në Kushtetuese këtë ligj meqë në të s’janë përfshirë veteranët e UÇK’së.
