Mungoj befasia e Dritës

Gjilan – Palestra e Sporteve “Bashkim Selishta – Petriti” në Gjilan. Shikues: 300. Gjyqtarë: Valon Nikqi dhe Skender Lajçi. Drita – Universiteti AAB 1:3 (25:21, 14:25, 11:25, 12:25).

Drita: Maksuti, Prenga, Tuci, Jaha, Leka, Llapashtica, Shabani, Hyseni, Salihu

Universiteti AAB: Kqiku, Simnica, Rrustemi, Aliu, Mustafa, Behrami, Gjinolli, Blloku, Gosheva, Mishunova, Hyseni.

Fitorja e Dritës para katër ditësh në ndeshjen e parë në Prishtinë, ngjallte shpresat se volejbollistet e Dritës do të bëjnë befasi edhe në ndeshjen para shikuesve të tyre dhe të kualifikoheshin në finale, por kjo befasi mungoi.

Seti i parë i ka takuar me meritë volejbollisteve të Dritës, të cilat në çdo aspekt të lojës ishin më të mira. Kjo është vërejtur që nga fillimi, pasi epërsia e Dritës ishte e lartë duke arritur deri 8 pikë epërsi, por me kalimin e kohës mysafirët kanë arritur të zbusin rezultatin, por ishte vonë për të ndërruar në rezultat dhe fundi i këtij seti i takon vendasve me rezultat 25:21.

Mysafiret setin e dytë e nisin furishëm duke iu bërë me dije se kjo ndeshje do t’i takojë atyre. Fillimisht epërsia e mysafirëve arrin në 8 pikë dallim dhe me kalimin e kohës epërsia vetëm sa shtohej dhe në fund për të përfunduar ky set me 11 pikë dallim në të mirë të Universitetit AAB me rezultat 14:25.

Seti i tretë dhe katërt ka kaluar në dominim të plotë të mysafirëve, të cilat nuk kanë lejuar që vendaset të shënojnë më shumë se 11 pikë në setin e tretë dhe 12 pikë në setin e katërt dhe për të përfunduar ndeshjen me rezultat të përgjithshëm 3:1 në të mirë të Universitetit AAB nga Prishtina.

Volejbollistet që janë dalluar në radhët e Dritës ishin volejbollistet Tuci dhe Prenga që janë përforcim nga Shqipëria, derisa të pandalshme tek mysafiret nga Prishtina ishin Gosheva dhe Mishunova, të cilat ishin shënuan shumicën e pikave në radhët e mysafirëve u shënuan pikërisht nga këto volejbolliste./rajonipress/